Putin naložio Ministarstvu odbrane da pripremi odgovor na napad u Lugansku

Foto: Agencije

Putin je ocijenio da je riječ o terorističkom napadu, izvedenom noću dok su učenici spavali. Prema njegovim riječima, poginulo je šest osoba, više desetina je ranjeno, dok se 15 vodi kao nestalo.

On je naglasio da napad nije bio slučajan, već da je izveden u tri talasa, sa 16 bespilotnih letjelica koje su gađale isto mjesto. Dodao je da u blizini internata nije bilo vojnih objekata niti struktura specijalnih službi, odbacivši tvrdnje da je pogodak mogao biti posljedica dejstva ruske protivvazdušne odbrane.

„Riječ je o direktnom napadu ukrajinskih bespilotnih letjelica na civilni objekat“, rekao je Putin, dodajući da Kijevu takvi napadi služe da skrene pažnju sa situacije na frontu i prebaci odgovornost na Rusiju.

On je ocijenio da napad potvrđuje „teroristički karakter kijevskog režima“ i pozvao ukrajinske vojnike da ne izvršavaju „zločinačka naređenja“, jer u suprotnom postaju saučesnici.

Putin je naveo i da dezerterstvo u ukrajinskoj vojsci poprima masovne razmjere, te da ovaj napad pokazuje „sa kim Rusija ima posla i protiv čega se bori“.