Tramp stigao u Peking na sastanak sa Sijem

Američki predsjednik Donald Tramp doputovao je u Peking, gdje će naredna dva dana imati niz susreta sa kineskim predsjednikom Si Đinpingom.

Foto: Agencije

Prema programu Bijele kuće, planirani su bilateralni razgovori, svečana državna večera i neformalni prijemi.

Tramp je po dolasku dočekan uz crveni tepih, počasnu gardu i vojni orkestar, dok su djeca mahala kineskim i američkim zastavicama. Na aerodromu ga je pozdravio potpredsjednik Han Dženg, koga je Si odredio da predvodi kinesku delegaciju za doček.

Za četvrtak je predviđena ceremonija u Velikoj sali naroda u 10.00 časova, nakon čega slijedi bilateralni sastanak otvoren za medije. Uveče će Tramp prisustvovati svečanoj državnoj večeri. U petak su planirani zajedničko fotografisanje, razgovor uz čaj i ručak dvojice lidera.

Očekuje se da teme razgovora budu trgovina, carine, rijetki minerali, kao i međunarodna pitanja – Bliski istok i Tajvan. U američkoj delegaciji su i vodeći poslovni ljudi, među njima Ilon Mask, Tim Kuk, Keli Ortberg, Dejvid Solomon, Stiven Švarcman i Leri Fink.

Na kineskoj društvenoj mreži Veibo hashtag #WelcomeTrumpToChina postao je najpopularnija tema, uz komentare korisnika poput „Dobrodošao!“ i „Saradnja može donijeti dobitak za obje strane“. Pojavio se i Trampov ironični nadimak „Čuan Đijanguo“ – „Tramp, graditelj države“.

Posljednji susret Trampa i Sija održan je u oktobru prošle godine u Južnoj Koreji, kada su se saglasili da privremeno zaustave trgovinski sukob.

Podijelite vijest: